Білім беру ұйымдарында оқу жетістіктерін сырттай бағалау "Білім туралы" Қазақстан Республикасының Заңына сәйкес жүргізіледі. Оқушылардың оқу жетістіктерін сырттай бағалауды өткізу ережесі Қазақстан Республикасы Білім және ғылым министрінің 2016 жылғы 28 қаңтардағы №94 бұйрығымен бекітілген.

ОЖСБ-ны өткізу мақсаты – бастауыш мектепте-оқу жетістіктерінің мониторингі, негізгі мектепте-оқу жетістіктерін мониторингілеу және оқу үдерісін ұйымдастырудың тиімділігін бағалау, жалпы орта мектепте –оқу жетістіктерінің деңгейін бағалау.

ОЖСБ-ның міндеттері:

• Білім сапасының мемлекеттік жалпыға міндетті білім беру стандартының талаптарына сәйкестігін анықтау;
• Оқу үдерісін ұйымдастырудың тиімділігін бағалау;

ОЖСБ-ға дайындық келесі бағыттар бойынша жүргізілді:

• пән мұғалімдерінің, сондай-ақ бастауыш сынып мұғалімдерінің ОЖСБ-ға оқушыларды дайындау бойынша іс-шараларды жоспарлауы;
• жалпы білім беретін пәндер бойынша оқушылармен кеңес берудің бекітілген кестесінің болуы;
• жалпы білім беретін пәндер бойынша оқушылардың білім кесінділерін өткізу;
• бақылау кесінділері арасында оқушылардың білім сапасына жүйелі мониторинг жүргізу, білімдегі олқылықтарды жою бойынша іс-шараларды жоспарлау;
• ОЖСБ-ның негізгі және сынақ тестілеуін өткізу кезінде оқушыларды психологиялық қолдауды ұйымдастыру бойынша жұмыс, оқушылардың үрейленуін азайту бойынша алдын алу іс-шараларының болуы;
• педагогтар, оқушылар және ата-аналар үшін ақпараттық-түсіндіру іс-шараларын өткізу;
• ОЖСБ өткізу бойынша тақырыптық стендті ресімдеу;
• тест материалымен жұмыс істеу кезінде уақытты бөлу және бақылау, жауап парақтарын толтыру бойынша техникалық дағдыларды пысықтау нәтижесі;
• оқушылардың ата-аналарымен сынама тестілеу нәтижелері бойынша жеке жұмыс;
• сабақтан тыс уақытта компьютерлермен және интернетпен жабдықталған кабинеттерге оқушылардың ашық кіруін жүзеге асыру;
• білім беру мекемелерінің online режимінде білім сапасын арттыру орталықтарымен (Ю-стади, 5+plus, IQanat) ынтымақтасуы, өткізілген тестілеу мониторингі.

 Әр пән мұғалімі жеке жұмыс жоспарына сәйкес жұмыс істеді, сынып жетекшілері оқушылардың сыналатын тестілеуге қатысуын қадағалады. Директордың орынбасарлары Торғаева М.М., Габдуллина Т.С., Несветеева Н.А. ОЖСБ сынамалық тестілеу мониторингін жүргізді. Пән мұғалімдері сабақтарда және қосымша сабақтарда оқушылармен бағдарламалық материалдарды қайталау жұмыстарын жүргізді. Мектеп әкімшілігі 4-ші, 9-шы және 11-ші сыныптарының сабақтарына қатысты, білім кесінділерін өткізді.

2018-2019 оқу жылында 4 сыныптардағы оқушылар саны – 71, 9 сыныптарда-64, 11 сыныптарда-30, жалпы контингенті 165 оқушыны құрайды, оның ішінде ауруы бойынша 11 оқушы болған жоқ, 1 оқушы үйде оқытылады, 1 – мектептен кетті, ОЖСБ-ға барлығы 153 оқушы қатысты, бұл жалпы санның 93% құрайды.

ОЖСБ нәтижелері

Тестілеу нәтижелерін талдау төмен баллдардың қазақ тілі мен физикадан 11-сыныптарда, Қазақстан тарихы, алгебра, физика, 9-сыныптарда география бойынша байқалатынын анықтауға мүмкіндік береді.. 

Келесі пәндер бойынша ОЖСБ-дан жақсы нәтижелері:  Қазақстан тарихы (11 сынып), Дүниежүзі тарихы, химия және биология (9 сынып).

Ұсынымдар:

Оқушылардың диагностикалық карталарында белгілей отырып, білім, білік және дағды деңгейін жүйелі түрде анықтау. Оқушылардың білімдеріндегі олқылықтарды жою бойынша уақытылы түзету жұмыстарын жүргізу;

Үлгерімі төмен оқушылармен жеке жұмысты ұйымдастыру;

Мектеп әкімшілігі мұғалімдердің сабақтарына жүйелі түрде қатысып, әдістемелік көмек көрсетсін.